DIE BYBELBOEKWURM (vir Kinderkerke): Wie is René van Zyl?

Skrywer/joernalis/blogger/opsteller van kinderkerk kurrikulums, spreker.

Rene' is 'n bekroonde skrywer wat die 2024 ATKV-Woordveertjie gewen het vir een van haar romanse - Belle met die hart vol blomme. Sy het al meer as 20 hiervan geskryf en het ook in 2020 die ROSA/Imbali toekenning vir die SuperRomanza, Storm vol liefde gewen. Sy het twee samesweringsromans, Die Alfadokument (Lapa/Wenkbrou) en Die Omegakomplot uitgegee, asook jeugboeke: Tuimeltrein (NB) en Die monster in my melkskommel (Lapa/PRH). Kyk gerus op haar blog: www.renevanzyl.bogspot.com vir meer inligting oor haar verhale, asook, Wee Monk's Tale, the secret of immortality wat in 2010 verskyn het - n jeugboek wat in die Middeleeue in Ierland/Skotland afspeel en steeds op Amazon.com beskikbaar is as e-boek.

Al haar boeke is as e-boeke beskikbaar.

Wie is ek? Ek is doogewoon iemand wat Jesus leer ken het deur al die hartseer en vreugdes van my lewe. Ek het BA Kommuniekasiekunde aan die Universiteit van Potchefstroom gestudeer en het al gewerk as joernalis, vryskut-joernalis, omgewingsopvoedkundige (en P.R.O), Kinderevangelis, skrywer en ontwerper van Christelike opvoedkundige materiaal en lesmateriaal. Ek is getroud met 'n oud-ingenieur wat later Teologie gaan studeer het aan die Universiteit van Pretoria en tans met sy doktorsgraad besig is in praktiese Teologie.

Ons beide se passie en gawe is om die Bybel vir mense verstaanbaar en eenvoudig oor te dra. En daarmee saam om 'n passie by mense te kweek om meer van die Bybel en God se plan met die mens te wil verstaan. Ons dink buite die boks, nuut en probeer die hedendaagse mens iets leer van praktiese leef van die Bybelse konsepte.

'n Artikel in die finesse tydskrif vertel van ons gesin se 20-jaar lange pad met 'n breingestremde seun en twee pragtige dogters en die lesse wat God ons geleer het en steeds besig is om te leer. Hierdie is die web-adres: http://renevanzyl.blogspot.com/2013/04/toe-gebeur-ons-wonderwerk-nie-finesse.html

Met ons projekte wat ons aanpak is ons gewoonlik te passievol en te opgewonde en te vol verwagting en kom partykeer na om die korrekte, tradisionele kerkpolitieke en prosesse te volg. Ja, ons leer baie uit ons foute maar ons glo ook dat God wel reguit houe met krom stokke kan slaan. Ons glo ons pogings beteken vir party mense baie en dit is goed genoeg vir God!